IRAGAZKETA

DBH 3.mailan, laborategi praktikak arloan, nahaste hetereogeneoak banatzeko teknikak ikasi dituzte, horien artean iragazketa. Hona hemen horren adibide bat:

 

GATZA ETA FLOTABILITATEA

DBH 3.mailan, laborategi teknikak arloan, gatzak flotabilitatean duen eragina ikasi dute. Hona hemen horren adibide bat:

TENPERATURAREN ERAGINA DISOLUZIOETAN

DBH 3. mailan, laborategi teknikak arloan, disoluzioetan tenperaturak daukan eragina ikasi dute. Lehendabizi, 20º C-tan dagoen disoluzio ase bat sortu dute ura eta azukrea erabiliz. Azukrea gaineratzen jarraituz gero, disoluzio asea denez, ez da disolbatzen.

                                     20ºC dauzkan ur eta azukrezko disoluzioa


Ondoren berogailu bat erabiliz disoluzioa 100º C arte berotu dute. Berotzean, disoluzioaren itxura aldatu da, gardena izatera pasatu da.

                                      Disoluzioa 100ºC-tan


 Disoluzioa gardena izatera pasa izanak, azukre gehiago disolbatu ahal dela adierazten du. Beraz, tenperatura handitzean disolbagarritasuna handitzen dela frogatzen da.

DISOLUZIOAK

DBH 3.mailan, laborategi praktikak arloan, nahasteak zer diren ikasi dute. Nahaste homogeneoak eta hetereogeneoak desberdintzen ikasi dute era berean, eta homogeneoetan disoluzioak. Hona hemen ikasleak disoluzio diluitu, ase eta kontzentratuak sortzen ura eta azukrea erabiliz:

ETIKETAK

DBH 3. mailan, natur zientziak eta laborategi teknika arloetan, produktuen etiketak ikasi ditugu. Etiketa bat zer den eta bertan agertu beharreko informazioa zein den ikasi dugu. Hori egiaztatzeko praktika bat burutu dugu, eta hainbat produkturen etiketak ikertzen eta etiketa batean agertu beharreko informazioa egiaztatzen ibili gara. Hona hemen argazki batzuk:

:

BOLUMENAK EZ DIRA BETI GEHITZEN!

DBH3-ko ikasleek, laborategi praktikak arloan, ondorengo praktika burutu dute. Ura, olioa, alkohola eta gatza erabili dituzte, eta bakoitzaren 50 ml neurtu dituzte. Ondoren honako nahaste hauek egin dituzte:

                                a) Ura eta olioa
                                b) Ura eta alkohola
                                c) Ura eta gatza

Printzipizoz guztiek 100 ml-ko bolumena izan beharko lukete, erabilitako produktu bakoitzak 50ml dituelako. Nahasteak burutzean hau ez da beti bete. Ura eta olioaren kasuan, 100 ml lortu ditugu, bi likido nahastezin direlako. Ura eta gatza nahastean, 100 ml baino gutxiago lortu ditugu, gatzaren zati bat uretan disolbatu delako. Azkenik, ura eta alkohola nahastean, kasu honetan ere 100 ml baino gutxiago lortu ditugu, ur molekulek alkohol molekulekin hidrogeno zubiak eratzen dituztelako.

                                     Ura eta olioa

                                     Ura eta gatza

SANDWICH-A PREZIPITATU ONTZIAN

DBH3ko ikasleek, laborategi teknikak arloan, ondorengo esperimentua burutu dute. Eztia, olioa eta ura bota dituzte prezipitatu ontzi batera, guztien bolumena bera izanik. Bolumen bera dutenez, masa handiena duen produktua behean geratu da, ertaina daukana erdian eta masa txikiena duena gainean. Era berean, bolumen bera dutenez, dentsitate handieneko produktua behean dago, tartekoa erdian eta dentsitate txikienekoa gainaldean.